3au letra d'informacion deu projècte LINGUATEC

3au letra d'informacion deu projècte LINGUATEC

 

 

 

3au letra d'informacion deu projècte LINGUATEC

3. NEWSLETTER
2020-10
 
Facebook
Twitter
Web
Planvenguts a la tresau letra d’informacion deu projècte LINGUATEC

Le projècte europèu LINGUATEC, qui a per mira de desvolopar, demostrar e difusar navèras ressorsas, utís e aplicacions lingüisticas innovadoras qui melhoren lo nivèu de numerizacion de l’aragonés, deu basco e de l’occitan contunha de balhar frut, autant suu plan tecnologic, dab la fòrma d’utís lingüistics numerics, com suu plan mediatic, pr’amor  mantun mèdia de sengles costats deus Pirenèus contunhan de rénder compte deus progrès de hèits. Que cau tanben senhalar que LREC, hialat màger tà çò de las ressorsas lingüisticas e l’evaluacion de las tecnologias lingüisticas, qu’aprovè un projècte de recèrca desvolopat peus sòcis deu consòrci deu projècte Linguatec.
 
Un article de recèrca deu projècte Linguatec qu’estó aprovat tà LREC 2020

Un tribalh de recèrca desvolopat peus sòcis deu consòrci deu projècte Linguatec qu’estó aprovat per estar presentat au congrès LREC 2020 (12th Language Resources and Evaluation Conference). La conferéncia LREC qu’ei l’eveniment màger pertocant las ressorsas deu lengatge e l’evaluacion de tecnologias deu lengatge. Pr’aquò, pr’amor de la pandemia provocada peu COVID-19, l’eveniment qu’estó anullat, de sòrta que totas las conferéncias ne podón pas estar expausadas en presenciau, fin finala. 
 
 
Jornada Linguatec a Baiona
 
Dimèrcs passat, lo 7 d’octobre, lo projècte Linguatec que tienó ua conferéncia a Baiona, organizada per Euskaltzaindia, l’Academia de la lenga basca. L’amassada que’s tienó au centre IKER deu CNRS e a la mairetat. Enter las personas presentas dens la sala grana de la mairetat que s’i trobavan lo maire adjunt de Baiona, Yves Ugale, e lo president d’Euskaltzaindia, Andres Urrutia.
 
Un fonetizaire occitan en linha

Lo Congrès bota a disposicion un otís que transcriu en AFI (alfabet fonetic internacional) de frasas en occitan. L’otís foguèt realizat dins l’encastre del desvolopament de la sintèsi vocala en occitan (projècte Linguatec) e èra accessible via una API (Application Programming Interface). Lo Congrès fa son utilizacion accessibla a totes, e prepausa ara una interfàcia per totes los publics.
 
Edicion navèra de l’Aragonario

Lo govèrn d’Aragon, peu mejan de la Direccion generau de la politica lingüistica e deu torisme d’Aragon, que publiquè la version tresau deu diccionari en linha de la lenga aragonesa, l’« Aragonario ». En totau, qu’i caben 23 212 entradas en castelhan dab la lor correspondéncia en aragonés e las loas varietats locaus respectivas. 
 
 
VIDÈO

Lo reportatge suu projècte Linguatec de l’emission Teknopolis que serà lèu difusida en aragonés, occitan e francés..
 
Lo projècte EPT 227/16 Linguatec qu’estó aprovat en lo segond aperet a projècte POCTEFA dab un budgèt de 1 227 500 € e qu’ei cofinançat a 65% peu Hons Europèu de Desvolopament Regionau (FEDER) peu miei deu Programa Interreg V-A Espanha-França-Andòrra (POCTEFA 2014-2020).
 

 

Email built with AcyMailing