4au letra d'informacion deu projècte LINGUATEC

4ena letra d'informacion deu projècte LINGUATEC

4. NEWSLETTER
2021-03

Planvenguts a la quatrena letra d’informacion deu projècte LINGUATEC

Le projècte europèu LINGUATEC, qui a per mira de desvolopar, demostrar e difusar navèras ressorsas, utís e aplicacions lingüisticas innovadoras qui melhoren lo nivèu de numerizacion de l’aragonés, deu basco e de l’occitan qu’ei adara en la soa darrèra linha dreta. Aqueste bulletin d’informacion qu’arrecapta çò de mei destacader de l’amassada deu consòrci recentament tienuda, los talhèrs organizats per las setmanas e mes a viéner e, mei que tot, que presenta VOTZ, lo purmèr utís de sintèsi vocau en occitan.

Presentacion de la purmèra sintèsi vocau entà l’occitan

Lo 23 de heurèr passat, que presentèm VOTZ a Pau, lo purmèr utís de sintèsi vocau en occitan. Que s’ageish d’un pas gran tau desvolopament tecnologic de l’occitan. VOTZ que n’ei un resultat deus géncers d’aqueste projècte de cooperacion transfronterèra, desvolopat peu Congrès permanent de la lenga occitana, dab l’ajuda d’Elhuyar, sòcia tecnologica e coordinatora deu projècte LINGUATEC.

Per aqueth ligam que’s pòt conéisher l’acte de presentacion.

Ací devath qu’avetz l’impacte qu’a avut la presentacion capvath mantuns mèdias :

Mei d’entersenhas

Amassa deu consòrci a Pau

Lo 23 de heurèr passat, los 5 sòcis deu projècte LINGUATEC que ns’amassèm a Pau. En aquera amassada, que’s hasó lo bilanç deu nivèu de desvolopament tecnologic atenhut, e que’s concretizè lo calendari d’eveniments prevists dinc a junh. A maugrat deu COVID-19, que’s ratifiquè lo bon anar que lo projècte e mantien : que prevedem d’aténher tots los objectius planificats.

Lo desvolopament de tecnologias lingüisticas basadas en l’intelligéncia artificiau qu’ei fondamentau entà l’avançada de las lengas minoritàrias de sengles costats deus Pirenèus. Qu’ei ua aliança transfronterèra la qui fòrma lo projècte LINGUATEC, ua coalicion necessària au noste sègle.

Mei d’entersenhas

Los rendetz-ve màgers de LINGUATEC

Lo projècte LINGUATEC qu’ei adara en la soa darrèra linha dreta, e pendent los mes a viéner mantuns eveniments que seràn organizats entà presentar los resultats obtienuts. Aquiu qu’avetz los rendetz-ve màgers de LINGUATEC :

23/02/2021   Pau Presentacion de resultats
13/04/2021   Jaca Presentacion de resultats e talhèr de demostracion
12/05/2021 Sent Sebastian/Tolosa Presentacion de resultats e talhèr de demostracion
Data a definir Sent Sebastian/Baiona Presentacion de resultats e talhèr de demostracion
17/06/2021   Pau Congrès LINGUATEC. Talhèrs de demostracion.
18/06/2021   Sent Sebastian Congrès LINGUATEC. Talhèrs de demostracion.

Lo projècte EPT 227/16 Linguatec qu’estó aprovat en lo segond aperet a projècte POCTEFA dab un budgèt de 1 227 500 € e qu’ei cofinançat a 65% peu Hons Europèu de Desvolopament Regionau (FEDER) peu miei deu Programa Interreg V-A Espanha-França-Andòrra (POCTEFA 2014-2020).

Anullar l'abonament