Los sòcis deu Conselh lingüistic que’s desparteishen en quate comissions de tribalhs :

Gestion de la grafia, validacion de las nòrmas publicaderas

Objectiu

Au demiei de las nòrmas qui estón dejà establidas en l’istòria de la regulacion lingüistica occitana, validar las qui son publicaderas suu site internet deu Congrès.

Sòcis deu Conselh lingüistic

Joan BARCELÓ, Felip BIU, Aitor CARRERA, Joan FULHET, Sèrgi GRANiÈR, Patric SAUZET, Jacme TAUPIAC, Manèl ZABALA.

Lo term'Òc, basa terminologica occitana

Objectiu

Dens l’amira de la constitucion d’ua basa de dada terminologica occitana, en partenariat dab los membres deu Congrès (InÒc, IEO...), estat deus lòcs e perspectivas d’alargament e de difusion deus lexics qui existeishen.

Sòcis deu Conselh lingüistic

Joan Claudi FORÊT, Bernat GIELY, Arvei LIEUTARD.

Autes sòcis

Joan Breç BRANA (Responsable pòle « lenga e societat » de l'InÒc Aquitània), Benaset DAZEAS (Director deu Congrès).

• accedir au term'Òc

Inventari, diccionari istoric

Objectiu

Constitucion d’un inventari - bibliografia comentada - de las publicacions lingüisticas de referéncia : diccionaris, glossaris, lexics, gramaticas, nòrmas, metòdes d’aprendissatge. Aqueth inventari qu’aurà ua version mei petita entau gran public. Qu’ei la purmèra etapa entà la constitucion d’ua basa lexicau istorica de la lenga occitana. Aqueth inventari qu’ei miat en partenariat dab lo CIRDÒC - mediatèca occitana.

Sòcis deu Conselh lingüistic

Joan THOMÀS, Joan SIBILLE.

Autes sòcis

Benjamin ASSIÉ (Director deu CIRDÒC, sòci deu Congrès).

Lo Basic, diccionari francés-occitan en linha

Objectiu

Respóner au besonh màger deu public - mei que mei escolar - d’un diccionari en linha francés-occitan. Aqueth que hè compte deu principi d’accion deu Congrès : la valorizacion de l’unitat de la lenga e lo respècte de la soa diversitat.

Sòcis deu Conselh lingüistic

Michèu CHAPDUELH, Cécile CHAPDUELH, Sèrgi CARLES, Nicolau REI BÈTHVÉDER, Bernat MOLIN, Patrici POJADA, Joan Claudi RIXTE, Maurici ROMIEU, Joan THOMÀS.

Autes sòcis

Gilabèrt MERCADIÈR (President deu Congrès), Vincenç RIVIÈRE (encargat de mission de l'Universitat de Tolosa - Lo Miralh), Domenge Château-Anneaud, Cédric VALMARY (CFPÒ Miègjorn Pirenèus), Pascal SEBAT (Professor d'occitan).

• accedir au Basic