Lou Tresor dóu Felibrige en linha
Lo Congrès, en partenariat amb lo CIRDÒC, a realizat una edicion numerica dau Tresor dóu Felibrige (Lo Tresaur dau Felibritge segon la nòrma classica) de Frederic Mistral. Lo diccionari occitan istoric es disponibla en linha en format Flipbook, que permet de reviure l'experiéncia dau libre de papier. Mai presenta tanben leis avantatges dau numeric, amb per exemple la possibilitat de faire de recèrcas indexadas en plen tèxte o de marcapaginar.
Podètz picar un mot dins lo motor de recèrca, e auretz la lista de totei lei paginas ont aqueu mot apareis. Lo Congrès vos a vougut semondre un otís ergonomic, ludic e de bòn partejar subre lei rets socialas.
Es estat realizat gràcias a un partenariat amb lo CIRDÒC - mediatèca occitana qu'a numerizat lo diccionari de papier. L'edicion numerica es estada mesa en linha a l’ocasion dau centenari de la mòrt de Mistral. Aquel eveniment s'es debanat dins l'encastre de la dubertura de la bibliotèca virtuala Frederic Mistral au dintre d'Occitanica, la mediatèca numerica.
Lou Tresor dóu Felibrige numeric se deuriá tanben integrar au dicod'Òc dins la futura version dau site Internet dau Congrès, que serà lançada a l'estiu de 2014. D’efiech, l'aplicacion prepausarà, en mai dei diccionaris francés-occitan e occitan-francés, de consultar quauquei diccionaris « istorics » coma aqueu de Mistral.
Autor(s) : Frederic Mistral
Operator : Lo Congrès, Lo CIRDÒC
Annada de publicacion : 2014
Document(s) : obratge numerizat en format Flipbook, amb motor de recèrca indexada en plen tèxte
Varianta(s) tractada(s) : auvernhat, gascon, lengadocian, lemosin, provençau, vivaroaupenc
Lenga : intradas en occitan, definicions en francés
Ligam :
