Dempuèi un mes, Lo Congrès vos prepausa un diccionari de las rimas e un diccionari dels sinonims, per las varietats gascona, lengadociana, provençala e vivaroalpenca de l'occitan, sus un site dedicat als diccionaris especials : dicesp.locongres.org.

En complement del dicod'Òc (diccionaris d'orientacion o d'usatge) e del tèrm'Òc (diccionaris especializats o lexics), aquel site es dedicat al trabalh lexicografic del Congrès suls diccionaris especials. Los diccionaris especials son los que pòdon balhar, a partir d'un tèrme, de sinonims (tèrmes vesins), d'antonims (tèrmes opausats), d'analogias (tèrmes en relacion per associacion d'idèas), de coocuréncias (tèrmes vesins mai frequents dins un tèxte)... Fan servici als que vòlon enriquir l'usatge de la lenga.

Mercé al formatatge en TEI de las donadas del Congrès, se pòt generar automaticament de novèlas ressorsas lexicograficas. Atal, Lo Congrès a pogut bastir aqueles dos diccionaris especials a partir de quatre diccionaris francés-occitan.

Lo Congrès vos prepausa sus dicesp.locongres.org una version provisòria de las òbras en cors, aquestas que seràn pauc a pauc aumentadas e melhoradas.

Autor(s) :
Operator(s) : Lo Congrès
Annada de publicacion : 2016
Document(s) : basas de donadas amb motors de recèrca
Varianta(s) tractada(s) : lengadocian, gascon, provençal, vivaroalpenc
Lenga(s) : occitan, francés
Ligam :

• Accedir als diccionaris especials