Servicis entau gran public
Lo Congrès que perpausa servicis en linha destinats au mei gran nombre. Aqueths servicis que comprenen aplicacions web taus com un diccionari francés - occitan, un traductor automatic e ua aplicacion de sintèsi vocau. Que son tanben perpausadas aplicacions mobilas, utilitaris, e ressorsas lingüisticas.
Servicis entaus professionaus de la lenga
Entaus professionaus de la lenga, lo Congrès que met a disposicion un ensemble d'atrunas avançadas desvolopadas especiaument entad aqueth public d'especialistas. Que poderàn trobar ua platafòrma de consultacion avançada de las ressorsas deu Congrès, un còrpus textuau e audio amassant mantun milion de mots, diccionaris istorics e un fonetizaire.
Servicis entà las collectivitats e las enterpresas
Dab servicis de traduccion e de sostien a la mesa en plaça de contienguts bilingües, dab tribalhs a l'entorn deus toponimes occitans o dab accions de socializacion e de sensibilizacion, lo pòle Lenga e societat que vs'acompanha dens las vòstas accions de construccion d'ua societat on la lenga occitana ei presenta capvath tots los moments de la vita vitanta.
Servicis entaus ensenhaires e formators
Lo Congrès que desvolopè e hiquè en linha atrunas entaus ensenhaires e formators. Aqueras atrunas que son per la màger part basats sus l'intelligéncia artificiau e sus las dadas de l'ensemble deus autes projèctes e aplicacions deu Congrès. Que'vs perpausam los màgers ací devath, e que vs'invitam a testà'us.
Servicis entaus webmèstes e desvolopaires
La Farga qu'ei lo portau collaboratiu TAL (tractament automatic de la lenga) entà l'occitan. Qu'auratz accès a l'ensemble de las ressorsas existentas gràcias a l'inventari de las ressorsas, que poderatz telecargar las atrunas (API, modules/plug-in), entrar en contacte dab la comunautat e har conéisher los vòstes projèctes.
Servicis entau monde uelhfebles
Entà perpausar las soas aplicacions au mei gran nombre, lo Congrès que realizè la mesa a l'estandard accessible deu Dicodòc, deu Vèrbòc e deu Topòc. Dab las medishas dadas, aqueras versions que dispausan d'ua interfàcia simplificada, de balisas e de comentaris entà s'adaptar au public uelhfeble.
