Las edicions Lambert-Lucas publican Description de l’occitan parlé à Sénaillac-Lauzès (Lot) et dans les communes voisines de Jean Sibille.
Per Noste que publica un diccionari intermediari francés-occitan gascon de 7 350 entradas.
Lambert-Lucas publica aquela colleccion de tèxtes de Felip Martel, amassats e presentats per Maria-Joana Verny e Yan Lespoux.
Dins la rejada de sa seria de libres sus la toponimia dau Lemosin, Ives Lavalada publia un novel obratge sus los noms de luòcs en Cruesa.
Lo 17 de noveme, a Onessa e Laharí, un quinzenat de mediatecaris de las Lanas que participèn a un dia de formacion a la literatura occitana gascona organizada per l'InÒc Aquitània.
Lo CIRDÒC a aviat lo Repertòri del Patrimòni Cultural Occitan (RPCO). Aquel portal a per tòca de regropar progressivament las entresenhas sus las òbras, los fonses documentaris, los luòcs, las personalitats e las expressions immaterialas que fan la riquesa del patrimòni cultural occitan.
Lo Congrès permanent de la lenga occitana e lo laboratòri CLLE-ERSS (CNRS/Universitat Tolosa-Joan Jaurès) qu'an aviat ua aliança entà la creacion d'un lexic obèrt de las formas flechidas de l'occitan (Loflòc).
L'Etnopòle InÒc Aquitània e la DGP deu Ministèri de la Cultura qu'organizan a Vilhèra los 11 e 12 de noveme au Castèth d'Este lo 1èr Seminari annau en etnomusicologia de França entitolat « Espiars crotzats suus procèssus de transmission de las musicas tradicionaus en França ».
Lo CIRDÒC e l'Agéncia Nacionala recèrca e tecnologia (ANRT), en aliança amb lo laboratòri de recèrca LLACS-RedÒc e l'Universitat Paul Valery de Montpelhièr, an signat amassa una convencion CIFRE a l'entorn de las tecnologias del lengatge.
A la fin dau mes d'octobre nos quitet Roland Berland, ancian ensenhaire e autor lemosin fòrça apreciat daus occitanofònes.
L'associacion Transmetem que harà la soa Trobada d'agòr arron Simin Palay dissabte lo 14 de noveme a la mairia d'Auloron.
Las edicions Letras d’òc / Camins qu’an publicat au mes d’octobre lexics gascons inedits de F. Marsan e J. Soulé-Venture.
L'AELOC tendrà son collòqui biennau lo dissabte 14 de novembre a la sala deis fèstas d'Aigalieras (13). Aurà aquest an per tematica « La lenga d'òc e la cançon contemporanèa ».
Augan, l'Universitat de Pau e deus País de l'Ador qu'a aviat un cors suu lengatge shiulat. Qu'ei gavidat per Felip Biu, sòci deu Conselh lingüistic deu Congrès e president de l'associacion « Lo siular d'Aas ».
La lenga occitana es marcada per l’UNESCO coma una dei lengas en « dangier seriós d’extincion ». Fàcia a aqueste perilh de mai en mai gròs, e ai riscas de regression qu’amenaçan nòstra lenga, la « Coordinacion per la lenga occitana » rampèla a una mobilizacion ciutadana per una granda Manifestacion sociala e revendicativa en favor de l’occitan, lo dissabte 24 d’octòbre de 2015 a 14 h a Montpelhier.
Dens l'encastre de la jornada europèa de las lengas, la Collectivitat territoriau de Corsega e l'Universitat Pasquale Paoli de Corte qu'organizèn deu 29 de seteme au 3 d'octobre las jornadas Linguimondi on Lo Congrès èra envitat.
Joan-Pèire Belmon, escrivan, òme de television e de ràdio, ancian productor de l'emission Vaquí sus France 3, president del Cep d'Oc, es mòrt lo 25 de setembre.
Lo CIRDÒC a mes en linha las videos de las intervencions de la segonda Jornada Occitanica, que se debanèt lo 2 de mai e qu'aviá per tèma « La numerizacion del patrimòni per la transmission de las lengas de França ».
Tà har la promocion de la rentrada deus cors d'occitan, lo CFPÒC Aquitània e l'InÒc Aquitània que realizèn Las hèitas de Kévin, ua seguida de tres videos dab un episòdi a descobrir tota setmana.
Lo Congrès qu'a mes en linha ua navèra rubrica dens lo son top'Òc, la basa toponimica occitana. La Passejada que'vs perpausa de descobrir de faiçon ludica uas vilas d'Occitania.
Dins la mira d'organizar un seminari suls otisses Wikimédia e las lengas de França, Wikimédia France fa una enquèsta per conéisser melhor la situacion lingüistica sul territòri francés.
Joan Eygun que publica a Letras d'Òc Ua lenga qui s'esvaneish, un ensai qui pòrta un espiar critic, shens nat tabó, tad ensajar de compréner çò qui n’ei, e un aperet a cercar camins navèths.