Lo collectiu Pour Que Vivent Nos Langues, dont lo Congrès permanent de la lenga occitana ei sòci, qu’interroguè au començar de l’annada los candidats a las eleccions presidenciaus suus èishs grans qui pertòcan los sòcis deu collectiu.
Qu’i valoriza « l’inscripcion de las lengas regionaus dens lo còdi deu patrimòni », lo ròtle a viéner deu recent Conselh nacionau de las lengas e culturas regionaus, e de faiçon mei generau qu’indica voler « ahortir la reconeishença e l’eficacitat de l’ensenhament de las lengas regionaus » e facilitar « lo lor emplec e la proteccion deu patrimòni que las lengas regionaus e representan ».
Lo collectiu que valorizè publicament aquera responsa : « Lo collectiu que pren acte d'aquera responsa qui va dens lo bon sens quan deurà constatar que pren la fòrma d'un expausat generau qui ne tien pas compte que parciaument de las questions pausadas. Que considèra com positius los punts qui evòca, sustot la perspectiva d'ua auhèrta generalizada d'ensenhament de las lengas regionaus dens l'encastre deus oraris normaus. Mes que tien a indicar que serà hèra vigilant tà çò de las seguidas concrètas qui seràn balhadas aus engatjaments suggerits per aquera responsa, dens lo cas que lo resultat de las eleccions e permeteré au president candidat d'estar en mesura de'us tiéner. » Lo comunicat sancèr de Pour Que Vivent Nos Langues
![]() Un questionari ja present au purmèr torn A quauques dias deu purmèr torn de las eleccions presidenciaus, lo collectiu que desirè portar a la coneishença deus sons militants, mes tanben deu public gran, las posicions deus diferents candidats. Lo collectiu qu'espèra aqueras responsas que podón portar esclariments aus ciutadans qui anèn votar au purmèr torn. Detalhs de las responsas per candidat : Léger la seguida ![]() |
|
BRACAS
Brèves
|
|