Gràcias a diferentas iniciativas, que s'ei vist a paréisher en darrèras ressorsas e atrunas numericas hèra utilas entà l'occitan dens mei d'un maine : patrimòni, contienguts enciclopedics e lexicaus, òbras universitàrias, audiovisuau, etc.
a l'entorn de la question deu numeric occitan."
Totun, que's constata que la lenga be pateish enqüèra de retards deus bèths : logiciaus entau gran public, hialats sociaus, jòcs videos o enqüèra telefònes intelligents que son autant d'enjòcs cruciaus entà la transmission de la lenga – sustot entà las generacions navèras ; l'obrador qu'ei immense.
Qu'ei pr'amor d'aquò que lo Congrès, dab lo sostien de l'ADEPFO (Associacion de desvolopament deus Pirenèus per la formacion) que decidí de miar ua afranquida inedita a l'entorn de la question deu numeric occitan.
que son autant d'enjòcs cruciaus entà la transmission de la lenga."
Atau un vintenat de personas representativas de l'usatge sociau de la lenga (ensenhament, formacion, institucions, Universitat) que realizèn un estudi de ueit mes dab l'ajuda de dus organismes d'Euskadi : la societat de formacion Media.kom e la fondacion Elhuyar. Qu'encontrèn tanben especialistas de las tecnologias deu lengatge entà las lengas basca, catalana, bretona e galesa.
que miè a ua lista deus besonhs en atrunas e ressorsas."
L'objectiu que n'èra la produccion d'un document-quadre qui ei bitara perpausat a las collectivitats partenàrias entà que sia integrat e mes en òbra dens l'encastre de las politicas lingüisticas publicas. Aqueth document que hè purmèr un diagnostic deu numeric occitan dab un inventari de çò d'existent (diccionaris en linha, correctors ortografics, etc.) e qu'estableish apuish ua lista deus besonhs en atrunas e ressorsas : traductors automatics, clavèrs predictius entaus telefònes intelligents, etc.
