Condicions d'utilizacion
Lo Congrès permanent de la lenga occitana que tribalha entà assegurar l'exactitud e l'actualizacion de las informacions difusidas suu site, e que's guarda lo dret de corregir, en acòrd dab los autors deus documents, lo son contiengut.
Lo Congrès permanent de la lenga occitana que declina tota responsabilitat :
• per tota interrupcion deu site
• per tota aparicion de bugs
• per tota inexactitud o tot desbromb qui concerniré las informacions deu site
• per tots los domaus qui poirén resultar d'ua intrusion fraudulenta d'un tèrç, de la quau s'enseguiré ua modificacion de las informacions metudas a disposicion suu site
• e mei generaument de tot domau dirècte e indirècte, quinas que'n sian las causas, l'origina, la natura o las consequéncias ; e aquerò entaus còsts qui poderén aparir pr'amor de l'aquisicion de bens perpausats suu site, las pèrtas de profieits, de practica, de dadas o tota auta pèrta de bens incorporaus qui poderén aparir pr'amor de l'accès a quina partida que sia d'aqueste site, de l'impossibilitat d'i accedir o deu crèdit acordat a quauqua informacion dirèctament o indirèctament gessida d'aqueste.
Tota informacion personau que l'internauta seré miat a transméter au Congrès permanent de la lenga occitana entà l'utilizacion de mantun servici qu'ei sosmetuda a las disposicions de la Lei n° 78-17 Informatica e Libertats deu 6 de genèr de 1978. Ad aqueth títol, l'internauta que dispausa d'un dret d'accès de rectificacion e de supression de las informacions personaus qui'u pertòcan que pòt exercir quan ac vòu en enviar un corrièr.
Ligams
Lo site que pòt includir ligams cap ad autes sites Web o autas honts Internet. Com lo Congrès permanent de la lenga occitana ne pòt pas controlar aqueths sites e aqueras honts extèrnas, lo Congrès permanent de la lenga occitana ne pòt pas estar tienut per responsable de la mesa a disposicion d'aqueths sites e honts extèrnas, e ne pòt pas suportar nada responsabilitat tà çò deu contiengut, de las publicitats, deus produits, deus servicis o tot aute materiau disponible sus o a partir d'aqueths sites o honts. De mei, lo Congrès permanent de la lenga occitana ne poderà pas estar tienut per responsable de tot domau o pèrta averats o allegats consecutius o en relacion dab l'utilizacion o la hidança en lo contiengut, los bens o los servicis disponibles sus aqueths sites o honts extèrnas.
Drets de proprietat deu Congrès permanent de la lenga occitana
Lo site, atau com tot logiciau utilizat en relacion dab aqueste, que pòden contiéner informacions confidenciaus e protegidas peu dret de proprietat intellectuau en vigor o tota auta lei. Atau, lhevat mencion contrària, los drets de proprietat intellectuau d'aqueth site, deus elements creats entau site, deus documents escriuts e sonòres contienguts, que son la proprietat deu Congrès permanent de la lenga occitana, deus autors deus tèxtes e de las personas o institucions detentoras de produccions lingüisticas. La reproduccion de tot document publicat suu site n'ei pas autorizada qu'a fins exclusivas d'informacion entà un usatge personau e privat, tota reproduccion e tota utilizacion de copias realizadas a fins autas que son defenudas. Qu'ei tanben defenut de copiar, modificar, crear ua òbra derivada, invertir la concepcion o l'assemblatge o de tota auta faiçon ensajar de trobar lo còdi sorsa (dab l'excepcion deus cas prevists per la lei), véner, atribuïr, soslicenciar o transferir qué que sia, tot dret qui pertòca los logiciaus.
En mei, qu'ei defenut de modificar lo logiciau o d'utilizar versions modificadas deus logiciaus sustot (shens qu'aquera enumeracion sia limitativa) entà obtiéner un accès non autorizat au servici e aver accès au site per un aute mejan que lo de l'interfàcia qui vs'ei hornida entad aquò har peu Congrès permanent de la lenga occitana.
Per tota utilizacion publica deus documents metuts en linha suu site, l'acòrd de l'institucion sorsa o deus productors qu'ei obligatòri. (Entresenhatz-ve au près deu Congrès permanent de la lenga occitana).
Drets especifics de daubuas ressorsas deu site
Bibliòc
Bibliòc, bibliografia lingüistica occitana : Lo Congrès permanent de la lenga occitana, Lo CIRDÒC, Licéncia Creative Commons Atribucion - Nada Utilizacion Comerciau - Nada modificacion 3.0 França.
Topòc - Basa toponimica occitana
Toponimes internacionaus, diccionaris toponimics deu Baish-Ador, Bearn, Gironda, Lanas, Òut e Garona : Inòc Aquitània, Dadas obèrtas Commons Open Database License (ODbL) v1.0.
Diccionari toponimic de las comunas de Dordonha : Novelum-IEO 24, tots drets reservats.
Diccionaris toponimics Arièja, Avairon, Gèrs, Garona Hauta, Pirenèus Hauts, Òut, Tarn, Tarn e Garona : CROM, Dadas obèrtas Commons Open Database License (ODbL) v1.0.
Dret a l'imatge
« Tota persona qu'a suu son imatge e sus l'utilizacion qui n'ei hèita un dret exclusiu qui'u permet de s'opausar a la soa reproduccion ». Qu'ei defenuda tota reproduccion de las fòtos presentas suu site. Los drets d'aqueras fòtos n'estón pas deishats qu'au Congrès permanent de la lenga occitana e sonque entà estar difusadas suu site. Si per cas ua persona e s'arreconeish sus l'ua de las fòtos e ne desira pas que lo son imatge e sia difusat suu site, qu'ac pòt har saber a