Sélectionnez votre langue
Professionaus de la lenga
Entaus professionaus de la lenga, lo Congrès que hica a disposicion un ensemble d'atrunas avançadas desvolopadas especiaument entad aqueth public d'especialistas. Que poderàn trobar ua platafòrma de consultacion avançada de las ressorsas deu Congrès, un còrpus textuau e audio amassant mantun milion de mots, diccionaris istorics e un fonetizaire.
Portaus especializats
Ua interfàcia de recèrca avançada
Laboratòri qu'ei ua interfàcia entà har recèrcas de las avançadas dens los lexics e diccionaris deu Congrès. L'atruna qu'ei pensada entaus professionaus e especialistas qui vòlen cercar dens los lexics de faiçon mei apregondida que çò qui permet actuaument lo Dicodòc.
gràcias a un ensemble de critèris"
Que's pòden filtrar las entradas a partir de mantun critèri, los camps d'ortografia qu'accèptan las expressions regularas, foncionalitats qui permeten de comparar mots…
Los lexics qui podetz consultar en Laboratòri qu'estón generats automaticament a partir deus diccionaris deu Dicodòc, gràcias au lor formatage en TEI.
Anar tau Laboratòri
Lo còrpus deu Congrès
Dens l'encastre de l'elaboracion d'atrunas de tractament automatic deu lengatge, Lo Congrès que creè mantun còrpus entà entrainar sistèmas d'intelligéncia artificiau. Estant qu'aqueths còrpus be podèvan tanben interessar lo public, qu'avem creat ua interfàcia entà'us consultar : Lo còrpus.
milions de mots disponibles a la consultacion"
L'interfàcia de recèrca que permet de filtrar las citacions per varietat, de cercar mantua fòrma espaciada d'un o de mantun mot e utilizar expressions regularas.
La partida audio qu'ei compausada peus enregistraments hèits entà constituir la sintèsi vocau en occitan gascon, mes que serà enriquida dab los enregistraments en occitan lengadocian.Anar tau Còrpus
Los diccionaris istorics integrats au Dicodòc
Que trobaratz dens aquera seccion diccionaris occitans istorics papèr numerizats o diccionaris occitans istorics en linha. Lo Congrès qu'ensaja de recensar ací tots los diccionaris istorics occitans de qualitat qui's pòden trobar capvath la tela.
que son" integrats au Dicodòc"
Tres diccionaris istorics qu'estón integrats au Dicodòc entà facilitar la recèrca. Ua opcion "istoric" qu'ei disponibla quan se selecciona lo sens de traduccion.
En mei deus diccionaris presents dens lo Dicodòc, que trobaratz d'autes diccionaris dens lo noste site qui recensa las ressorsas : lafarga.eu
Anar taus diccionaris istorics
Un fonetizaire en gascon e lengadocian
Lo Congrès que met a disposicion ua atruna qui transcriu en AFI (Alfabet fonetic internacionau) frasas en occitan. Que's realizè l'atruna dens l'encastre deu desvolopament de la sintèsi vocau en occitan (programa europèu Linguatec) e qu'a l'accès possible pper ua API (Application Programming Interface).
las varietats màgers de l'occitan"
A l'adreça fonetizaire.locongres.com, que podetz d'ara enlà transcríver un tèxte copiat-pegat, o documents (formats txt o csv) dens totas las varietats màgers de l'occitan.
Qu'ei optimizat lo fonetizaire entau gascon e entau lengadocian, e qu'ei enqüèra en fasa de tèst entà las autas varietats .