Lo Congrès permanent de la lenga occitana que participa a un programa transfrontalèr qui a per mira de har progressar la numerizacion de l'aragonés, deu catalan, deu basco e de l'occitan, mercés a l'intelligéncia artificiau

Objectiu

Lo projècte qu'a l'objectiu de desvolopar coneishenças en intelligéncia artificiau (IA) sus de navèths modèles de lengas neuronaus aplicaderas a las lengas dab dab pòcas ressorsas, d'avançar dens la numerizacion de las lengas deu territòri POCTEFA (aragonés, catalan, basco e occitan) e dens la construccion d'ua infrastructura lingüistica e transfrontalèra intelligenta facilitant la comunicacion enter los locutors de las divèrsas lengas atau com l'accès multilingüe a l'informacion.

Lo projècte qu'a per mira de :
- Bastir algoritmes navèths e arquitecturas neuronaus entà generar modèles de lengatge neuronau adaptats aus regimes de calcul e a las ressorsas lingüisticas limitadas.
- Melhorar los sistèmas de transcripcion, de traduccion automatica neuronau e de sintèsi vocau entau basco, lo catalan, l'occitan, l'aragonés e las lors variantas dialectaus, en combinant lo francés e l'espanhòu.
- Desvolopar ua platafòrma lingüistica multilingua entau sostitolatge e lo doblatge automatics.
- Crear ua platafòrma o un referenciau en linha de ressorsas, de tecnologias e d'aplicacions entà las lengas deus Pirenèus.
- Assolidar lo « Hialat transfrontalèr d'excelléncia en tecnologias lingüisticas ».

Lo projècte europèu EFA 104/01-LINGUATEC AI (Intelligéncia Artificiau) qu'ei confinançat peu Fons Europèu de Desvolopament Regionau (FEDER) peu 1èr aperet INTERREG POCTEFA 2021-2027. Aquera subvencion que sostienerà l'innovacion, en metent sus la recèrca aplicada en intelligéncia artificiau dens lo tractament deu lengatge naturau (NLP). Que contribuarà tanben a l'articulacion sociau e culturau deu territòri transfrontalèr en ahortint un element clau de la cultura locau, las lengas.

Delai d'execucion

Debuta : 2024/01/01

Fin : 2026/12/31

Composicion deu consòrci

Elhuyar (peu miei deu son hub Orai)
Lo Congrés Permanent de la Lenga Occitana
HITZ zentroa (UPV/EHU)
Universitat Joan Jaurés de Tolosa
Universitat de Perpinhan
IKER-CNRS de Baiona
Govèrn d'Aragon
Universitat de Lhèida

Budget

Budget totau: 1.545.953,42 €
Budget FEDER: 1.004.867,00 €

Lo projècte LINGUATEC-IA qu'ei finançat a 65% per l'Union Europèa peu programa Interreg VI-A Espanha-França-Andòrra (POCTEFA 2021-2027). Lo POCTEFA qu'a l'objectiu d'ahortir l'integracion economica e sociau de la zòna frontalèra Espanha-França-Andòrra.

Mei d'informacion suu site : linguatec-poctefa.eu