La Letra LINGUATEC-IA #1

1èr aniversari deu projècte Linguatec-IA

Que's realizèn los diagnostics, la huelha de rota e lo plan d'accion

Lo projècte europèu Linguatec-IA que comencè en genèr de 2024 dab l'objectiu de progressar sus la via de la numerizacion de l'aragonés, deu basco, deu catalan e de l'occitan gràcias a l'intelligéncia artificiau. Aqueth projècte transpirenenc e transfrontalèr que constitueish la basa deu desvolopament d'ua coneishença d'intelligéncia artificiau aplicadera a las lengas minoritàrias de part e d'auta deus Pirenèus. Lo son objectiu qu'ei d'aplicar aqueths modèles navèths de lengatge generatius entad aqueras lengas e lo projècte qu'ei d'ara endavant en plen desvolopament.
Que trobaratz totas las informacions actuaus tà çò deu projècte a cada moment au son site web e peus sons hialats sociaus :

Lo projècte Linguatec-IA n'ei pas navèth. Que vien préner la relhèva deu projècte LINGUATEC. La prumèra reünion que’s tiengó a la sedença d'Elhuyar.

Tà’n saber mei

Lo projècte que contunha

Lo 3 de junh de 2024 que’s tiengó a Saragossa la reünion deu consòrci deu projècte. Representants deu Governament autonòme d'Aragon que n’estón los òstes.

Tà’n saber mei

Lo 10 d'octobre de 2024 los membres deu projècte que s’amassèn a Pau. La reünion qu'èra organizada per Lo Congrès de la Lenga Occitana.

Tà’n saber mei

Lo Congrès que presentè lafarganumerica.eu, lo portau navèth de tractament de las tecnologias de la lenga occitana.

Tà’n saber mei

Linguatec-IA qu'estó presentat publicament los 20 e 21 de heurèr de 2025 au parat de la reünion ordinària deus membres deu consòrci a Baiona.

Tà’n saber mei

Repercussion e presentacions de Linguatec-IA

Repercussion iniciau deu projècte Linguatec-IA : Norteko Ferrokarrila, Euskadi Irratia, Naiz irratia, Bizkaia irratia, Noticias de Navarra, Enpresabidea, Naiz, Europapress, Diario Vasco, El Correo, Eta kitto, ZuZeu, Sustatu, France3.

Repercussion de la presentacion a Baiona :
Iparraldearen Orena (ETB1), Euskal Irratiak, ICI Pays Basque, ICI Occitanie, kazeta.eus, Sudouest.fr, hamaika.eus, Mediabask.eus, Berria, Teleberri (ETB2), Gaur egun (ETB1)

Linguatec-IA au campus NPLD-Coppieters

Au Campus NPLD-Coppieters qui’s tiengó a Barcelona deu 13 au 15 de noveme de 2024, qu'analisèm l'interaccion enter la numerizacion, l'intelligéncia artificiau e las lengas minorizadas. Pendent aqueths encontres organizats peu hialat europèu NPLD, qu'i partatgèm experiéncias tà çò deu basco, deu catalan, deu galician, de l'irlandés e deu galés e que soslinhèm las oportunitats e las bonas practicas qui, en aqueth monde numerizat, e vieneràn dab l'ajuda de las lengas minorizadas.  

En lo maine deu transferiment de tecnologia e de la recèrca, l'un deus membres de l'Universitat de Lhèida que presentè lo projècte Linguatec-IA.

Tà’n saber mei

Linguatec-IA au congrès internacionau « Hizkuntzen irabazia. Benefits of language industry in the economy »

Mei de 30 conferencièrs europèus que s’amassèn los 26 e 27 de noveme entau congrès organizat per LANGUNE, l'Associacion de las industrias de la lenga deu País basco, aus costats de la Federal Union of European Nationalities (FUEN) entà comunicar a perpaus de la realitat e la situacion de 15 lengas minoritàrias. En l'espaci dedicat a encoratjar la numerizacion e l'intelligéncia artificiau au demiei de las lengas minoritàrias, Elhuyar, coordinatora deu projècte, que presentè lo projècte Linguatec-IA.

Tà’n saber mei

Lo projècte LINGUATEC-IA qu’ei finançat a 65% per l’Union Europèa peu programa Interreg VI-A Espanha-França-Andòrra (POCTEFA 2021-2027). Lo POCTEFA qu’a l’objectiu d’ahortir l’integracion economica e sociau de la zòna frontalèra Espanha-França-Andòrra.