Lo dissabte 28 de genièr se debanarà a Besièrs un collòqui a l'entorn de l'òbra de Juli Ronjat, felibre romanista.
Juli Ronjat (1864-1925), doctor en letras, felibre majoral, romanista, es lo primièr lingüista qu'estudièt la nocion de bilingüisme ; publiquèt una gramatica istorica dels « parlars provençals modèrnes » (« provençal » i es sinonime d'« occitan »). Per remembrar l'actualitat del trabalh precursor de Juli Ronjat, la Societat arqueologica, scientifica e literària de Besièrs, lo Felibrige e lo CIRDÒC organizan un rescontre a l'entorn de son òbra lo dissabte 28 de genièr de 2017.
Las sesilhas son dubèrtas al public. Se debanaràn lo matin a la Societat arqueologica, e l'aprèp-miègjorn al CIRDÒC ont seràn presentadas las òbras de Juli Ronjat. Las comunicacions se faràn en francés e en occitan.