Baste 2026 siá pas l’annada calamitosa que son tantes a nos aver anonciada e que l’actualitat d’aquesta passa fa crentar.
Vertat es que las situacions internacionala, francesa e occitana fan pensament...
Que s’organizè lo 16 de genèr passat un talhèr "toponimia" dab representants de l’IGN e deu Congrès permanent de la lenga occitana. Per rebrembe, lo Congrès que signè dab l’IGN ua convencion, renovelada en 2025, tà l’analisi ortografica, la correccion dels toponimes d’origina occitana e la restitucion en lenga occitana dels toponimes contenguts dens la basa de donadas toponimicas de l’IGN.
Eth Conselh Generau d’Aran e Lo Congrès permanent de la lenga occitana an signat un convèni de collaboracion qu’a coma objectiu era elaboracion d’un lexic numeric occitan, ena varietat d’occitan aranés e en occitan lengadocian, damb equivaléncies en catalan que permeterà qu’er aranés entre a formar part deth diccionari en linha dicodÒc atau coma de d’autes airines que Lo Congrès desvolope entara difusion e revitalizacion dera lengua.
Après l’occitan gascon e l’occitan lengadocian, son las varietats lemosina e provençala qu’an lor lexic de formas flechidas. Aquestes lexics, qu’amassan totas las formas conjugadas dels vèrbes e « declinadas » (feminin, plural) dels autres mots son a la basa de totes los desvolopaments dins lo domeni del TAL.
Petit present en aquesta temporada de fèstas : l’aplicacion de telefonets Vèrbòc prepausa ara una version enriquesida que vos permet d’apréner la conjugason occitana de faiçon ludica.
Aqueth 12 de noveme a Tolosa, lo Congrès que realizè un còp mei la traduccion simultanèa a l'escadença deu 43au Conselh Plenèr de la Comunautat de tribalh deus Pirenèus (CTP).
Seminari transfrontalèr LINGUATEC-IA : ressorsas, tecnologias e IA entà las lengas deus Pirenèus
L’IEO-CREO Provença organiza la 45ena edicion daus Rescòntres Occitans en Provença, que se debanaràn a Sant Lagier, siague dau 28 au 30 de julhet, siague dau 31 de julhet au 3 d’avost.
Lo Congrès permanent de la lenga occitana a enregat un programa de creacion de plataforma lexicala, textuala e toponimica dins l'encastre del Contracte de plan d'Estat-Region novèl (CPER).
Lo 19 de junh que vienó a Pau Michèle Andreani, navèra Inspectora generau a las lengas regionaus au ministèri de l'Educacion nacionau entà encontrar diferents actors en lenga occitana : lo CIRDOC-Institut occitan de cultura, lo CAPOC, l'Ofici public de la lenga occitana e lo Congrès permanent de la lenga occitana.
Avèm besonh de vòstra participacion per qu'aquel jòc pòsca espelir !
Avètz ja remarcat cossí pòt èsser plan penable d'anonciar sos eveniments pertot sus la tela ? Òc mas èra abans...
Au parat de la reünion deu consòrci qui's tienó a Baiona los 20 e 21 de heurèr 2025, que’s hasó ua presentacion deu projècte Linguatec-IA. Plusors intervencions que permetón atau de har comptes deus avançaments deus diferents membres deu consòrci en mestior d’intelligéncia artificiau.
Que n’i va aver de nau entà las tecnologias de la votz en occitan ! En efèit, los abans darrèrs en Intelligéncia artificiau que'ns permeten de considerar navèths desvolopaments dab ressorsas limitadas : dinc a uei lo dia, entà obtiéner ua votz sintetica, enter 6 e 10 òras d'enregistraments votz-tèxte alinhats que hasèvan besonh entà cada votz. Uei, l'IA que permet a l'entorn d'un sol motor d'agregar votz navèras dab un petit còrpus (1 òra d'enregistrament haut o baish).
« Al nivèl mondial, l’an vièlh s’es acabat e lo novèl a començat, mai que pus, dins la violéncia, l’injustícia e de regressions democraticas. En França, sèm dins una confusion e una instabilitat politicas que pòrtan pèrda a l’economia, a la fisança dins las institucions e a la coesion sociala.
Isabelle Collomb, toponimista al Congrès permanent de la lenga occitana sostendrà sa tèsi Estudi de la microtopynie dins lo Pargue natural regional dels Causses de Carcin lo dijòus 5 de decembre a 14H a l"Universitat Paul-Valéry Montpellier 3 (Sit Sant-Carles 1, 71, Carrièra Henri Serre Montpellier (arrèst de tram Plaça Albert 1èr, Salle dels Actes 011).
Lo Congrès que recebó lo 12 de noveme representants de l'Ofici public de la lenga bretona tà escambiar a perpaus de la situacion numerica deu breton e de l'occitan.
Lo Salon Origina Auvernhe se teniá dau 22 au 24 de novembre per la "Grande Halle d’Auvergne" de vès Clarmont d'Auvernhe. Pas mens de 350 expausants eran presents per faire descobrir a mai de 26 000 visitaires Auvernhe per 5 univers : gastronomia, botigas & artisanat, torisme & cultura, innovacion, emplec & formacion.
Los 1èr e 2 d’octobre passats lo Congrès qu’organizè un seminari tà aviar l'obrador toponimic navèth deu Congrès permanent de la lenga occitana.
Lo 10 d’octobre passat que s’amassè a Pau lo consòrci LINGUATEC-IA. Que i son aliats lo Congrès permanent de la lenga occitana, la fondacion basca Elhuyar, l’Universitat Tolosa - Joan Jaurés, l’Universitat de Lhèida, l’Universitat de Perpignan, IKER (CNRS-Universitat de Bordèu), l’Universitat deu Pais basco e lo Govèrn d’Aragon (Gobierno de Aragón) tà desvolopar ressorsas e tecnologias tà las lengas deus Pirenèus (aragonés, basco, catalan e occitan).
Dimècres 6 d'octobre, dins l’encastre de la dètz-e-uechena sason dels DUÒC (Dimècres Universitaris Occitans e Catalans), coorganizats per la Seccion d’Occitan e la Seccion de Catalan de l’Universitat de Tolosa - Joan Jaurés (UT2J), Joan Breç Brana presentèt los espleches deu Congrès en matèria de socializacion de la lenga occitana, e en particular lo portal Ninon.eu.
A l’envit de la Region, Lo CIRDOC - Institut occitan de cultura, l'Ofici public de la lenga occitana, Lo Congrès permanent de la lenga occitana, convidats per La Region Occitania / Pirenèus - Mediterranèa, qu’èran deu 17 au 22 de seteme a Sent Gaudenç en Comenge, a un eveniment màger : Las Pirenencas (Les Pyrénéennes), hèira agricòla triennau qui s’a ganhat la plaça au demiei de las manifestacions bèras de França e qui a un arrajament transfronterèr.
Abans de préner - com totas e tots ! - un repaus beròi ganhat, l‘equipa deu Congrès que prepara d'ara endavant la rentrada...
LINGUATEC IA : Diagnostic numeric de las lengas deus Pirenèus e redaccion d'ua huelha de rota comuna
Lo projècte europèu LINGUATEC IA que's met en marcha. Que s’amassè recentament lo purmèr talhèr a Saragossa au quau participèn un totau de 14 personas qui representavan la màger part de las entitats qui participan au projècte.