Tres jornadas d’escambis a l’entorn de l’occitan a Colonha (Gèrs) deu 21 au 23 d’abriu.
A destinacion de tots los qui desiran har víver l’occitan, tres dias d’escambi e d’encontres entà crear amassa projèctes entà har víver la lenga, capvath mantuns talhèrs e conferéncias.
Crusòu de creativitat, los Escambis occitans de la prima (EOP) que seràn lo parat de desvolopar cooperacions divèrsas enter totas las personas interessadas per l’occitan.
Los actors qui son a obrar entau desvolopament de l’ensenhament o de la cultura occitana que’n son nombrós mes que se’n veden entà escambiar e enriquir las loas practicas. Aqueths aplecs que perpausaràn lavetz de crear levaders d’escambis enter los diferents sòcis, mejans qui son a crear sancèrament en partir de las volentats e possibilitats de tot cadun. De l’encontre que’n vaderàn utís e projèctes, qui valorizaràn las practicas deus ensenhaires d’occitan, en tot favorizar los ligams dab los actors culturaus (mèdias, artistas...).
L'aubèrgament e los repaishs que’s hèn sus plaça, las inscripcions que’s hèn capvath HelloAsso.