A l'escasença de las Jornadas europèas del patrimòni 2024, lo CIRDÒC - Institut occitan de cultura vos convida a descobrir una exposicion exclusiva sul tèma de la revirada.
De l'occitan cap al francés, del francés cap a l'occitan, en passant per las nombrosas autras lengas qu'an costejat nòstra lenga... L'exposicion passa en revista los diferents enjòcs del passatge d'una lenga cap a una autra, sens oblidar totas las estranhesas, las incompreensions, los inesperats e intradusibles que fan de l'occitan una lenga unica.
Se poirà veire l'exposicion a la Mediatèca del CIRDÒC-Institut occitan de cultura a Besièrs, del 20 de setembre al 15 de novembre de 2024.