L’Amassada, Conselh de desvolopament per la lenga occitana, que’s hasó lo 11 de deceme passat a l’Ostau de Region de Novèla-Aquitània a Bordèu.
Obèrta peu President de Region Alain Rousset, que i èran representants de l’Estat, de las collectivitats, de las institucions e associacions.
Lo matin que i avó la presentacion deu bilanç 2017 e de las perspectivas de la politica lingüistica, on Lo Congrès èra envitat a presentar lo projècte transfronterèr Linguatec. Qu'estó seguida de la signatura de la Convencion de desvolopament e d’estructuracion de l’ensenhament de l’occitan entre lo Rector de l’Acadèmia de Bordèu, lo President de la Region Novèla-Aquitània, la Presidenta de l’Ofici public de la lenga occitana e representants deus departaments de Dordonha, Gironda, Òlt e Garona e Pirenèus Atlantics.
Lo vrèspe qu'èra dedicat aus talhèrs tematics, dab restitucion arron, en tres grops de tribalh : transmission e socializacion de la lenga, ressorsa e public, educacion artistica e profesionalizacion deu hialat deu libe.