Avèm besonh de vòstra participacion per qu'aquel jòc pòsca espelir !
Lo jòc Beewizz, creat pel tolosan Michaël Matifas, a obtengut lo prèmi del mei bon jòc de l'annada al salon Kidexpo aital coma una medalha de bronze al Concors Lépine.
Lo Congrès a participat al desvolopament de la version occitana d'aquel jòc, qu'existís ja en anglés, espanhòl, alemand e portugués.
- Per que la fabricacion del jòc pòsca èsser amodada, l'objectiu de 7 500 € deu èsser atench abans lo 4 de julhet :
https://fr.ulule.com/beewizz-le-jeu/
Aquel jòc es estat testat dins las classas amb d'ensenhaires e de mainatges, e existís una “formula escòla” demest las contribucions possiblas.
En 2026, lo jòc deuriá tanben sortir en 6 autras lengas : breton, còrs, catalan, basc, creòl e alsacian.
« Beewizz, es lo jòc que met l'occitan a l'onor, dins un format fun, rapid e accessible a totes. »
Aquel jòc de cartas innovant capvira los metòdes classics per aprene las lengas vivas e permet l'entrainament o l'aprendissatge escrich del vocabulari, per una mecanica de jòc ultra-rapida.