La campanha Bona Annada que desira a tots un messatge amistós en lenga occitana a tots, que parlen la lenga, la comprengan, e la sàpian léger o non, que sian d’ací o d’aulhors.
Lo pòle Lenga & Societat que mia aquera accion, missionat per la Region Navèra Aquitània via l’ÒPLO, e lo Departament deus Pirenèus Atlantics, de 2003 enlà.
D’ara enlà passat au Congrès, que mantien un ligam dab l’InÒc Aquitània dont ei gessit en mantiéner un partenariat hòrt dab lo CIRDÒC - Institut occitan de cultura. Atau, la lenga e la cultura que guardan un junhent, dab aquera òbra de creacion, realizada augan per Arthur Épineau de l’Escòla Superiora d’Art e de Design deus Pirenèus.
Mercés aus partenariats publics, associatius e privats, las afichas que’s vederàn pertot en Region Navèra Aquitània e Region Occitània, en format Cart’Com en Region Navèra Aquitània (35 0000 exemplars) e solide capvath deus hialats sociaus !
Bona Annada 2020 !
