Lo Salon Origina Auvernhe se teniá dau 22 au 24 de novembre per la "Grande Halle d’Auvergne" de vès Clarmont d'Auvernhe. Pas mens de 350 expausants eran presents per faire descobrir a mai de 26 000 visitaires Auvernhe per 5 univers : gastronomia, botigas & artisanat, torisme & cultura, innovacion, emplec & formacion.
Per aquela ocasion, l’IEO Auverne-Ròse-Aups, lo CFPÒC Montanhòl, Calandreta, l’Ostal del Telh mai lo Congrès se son associats per animar un banc sonat Auvernhe : occitane d’origine !. En mai de la mesa en plaça d'una senhaletica bilingüa dau salon, maites obradors son estats menats : primèira iniciacion a l'occitan, còntes per dròlles e d’autres alentorn de toponimia, patronimia e francitan. Una maqueta, faita per l'ocasion, presentava la linga e la cultura occitanas, los actors et las diferentas ressorsas.
Crédits fotografias : IEO Auvergne-Rhône-Alpes