Lo centre de servicis Eihartzea, au còr deu centre-borg de Bardòs, qu'estó inaugurat lo 24 de junh passat en preséncia de las autoritats locaus.
Qu'abriga ua França servicis, ua ninoèra comunautària atau com ua ludomediatèca comunau. La soa realizacion qu'estó portada per la Comunautat d'aglomeracion País Basco e la comuna de Bardòs.
La creacion deu centre de servicis Eihartzea a Bardòs, dens un ancian ostau de mèste deu sègle 19au, qu'estó l'escadença de planificar ua senhaletica coerenta dab la realitat sociolingüistica trilingua deu territòri : qu'ei en aqueth encastre qui Lo Congrès permanent de la lenga occitana e portè lo son sostien lingüistic a la Comunautat d'aglomeracion País Basco entà la traduccion de la senhaletica deu lòc en occitan gascon.
Un plan beròi projècte qui – qu’ac esperam – saberà inspirar d'autas collectivitats en aqueth sens.