Émilie Massa, estudianta en tèsi a l'Universitat del Miralh de Tolosa, estúdia lo ligam entre vielhiment cognitiu e bilingüisme. Cèrca de volontaris per participar a un estudi sus aquel subjècte.
Son ipotèsi de trabalh es basada sul fait que lo bilingüisme demanda una cèrta flexibilitat cognitiva. Per gerir mantuna lenga, ne cal primièr causir una, poder puèi defugir las interferéncias entre elas e passar d'una a l'autra segon las situacions. L'idèa es que al mai la resèrva cognitiva serà estada estimulada, al mai compensarà lo declin cognitiu ligat a l'atge.
Per o provar, Emilie Massa vòl faire passar de tèstes a de volontaris. Cèrca de personas de mai de 65 ans, qu'an un nivèl d'estudi egal o superior a 12 ans d'escolarizacion, que parlan pas d'un biais regular una lenga estrangièra e qu'an pas viscut a l'estrangièr per una durada superiora a 6 meses.
Se desiratz participar, podètz contactar l'universitat per corric a