Los linguistas dels parlars del Creissent an apitat un site per ne saber mai sus las especificitats d'aqueles parlars mas tanben per poder escotar los collectatges.
Site public dels enregistraments del Creissent : http://parlersducroissant.huma-num.fr/corpus/
Aquel site permet d'escotar la màger part dels enregistraments fachs pels membres del projècte "Los parlars del Creissent".
Es accessible dempuèi la rubrica "Enregistraments" del site Creissent (http://parlersducroissant.huma-num.fr/).
Lo site serà mes a jorn regularament. De novèls enregistraments seràn ajustats progressivament.
Los enregistraments son classats per comunas, elas meteissas classadas per departament. Es possible d'afichar mantuna comuna simultanèament en entalhar las casas davant lo nom de las comunas. Per alhors, pr'amor d'èsser nomats segon una nòrma comuna los fichièrs, es possible de far de recèrcas dins lo motor per mot-clau. Per exemple, en picar "IPRF" e en seleccionar las comunas, obtenèm la lista de totes los fichièrs que contenon las formas d'imperfach per las comunas causidas.