Dissabte 17 de mai, a l'escasença dels Rencòntres de Salinèla, se faguèt la primièra edicion del novèl Prètz literari dels estudiants d'occitan de l'universitat Paul-Valéry.
Aquela iniciativa del departament occitan de l'universitat a per tòca de metre endavant la creacion contemporanèa en pròsa, e de desvelhar l'interès dels estudiants per la literatura occitana actuala.
Dins aquel encastre, cinc libres de pròsa contemporanèa occitana èran estats seleccionats :
- Magalí Bizot-Dargent, Novèlas sornas, IEO 06 ;
- Micheu Chaduelh, Las set filhas dau Diable, IEO Novelum ;
- Miquèla Stenta, Cronica de quauques jorns ordinaris, L'Aucèu Libre ;
- Fabienne Vayrettes, E víver, Reclams ;
- Florian Vernet, Anamorfòsis, IEO Erau).
Aprèp la deliberacion pels estudiants pendent l'eveniment, dos laureats ex æquo foguèron nommats : Magalí Bizot-Dargent e Florian Vernet, que recebèron lor prèmi de la man dels estudiants.