Ven de paréisser una publicacion novèla sul provençal alpin : Il Provenzale Alpino di Villaretto.
En remontant la val del Chisone, Villaretto, dins la Comuna de Roure, es lo primièr luòc ont la lenga occitana presenta de fenomèns d’autant mai tipics de las lengas de la val nauta, mas sa posicion, dins una zòna expausada a las influenças venent del davòl (la val baissa), ne fa una varietat transicionala, al còr de la zòna granda de las varietats occitanas cisalpinas, particularament digna d’atencion.
Aqueste volume conten lo diccionari del parlar de Villaretto escrich per Ezio Martin, sòci fondator de l’associacion culturala La Valaddo, contenent mai de sièis mila entradas e acompanhat per una seccion italian-parlar de Villaretto per ne facilitar la consultacion ; es enriquesit de qualques ensages publicats per l'autor sus l’istòria, lo vocabulari e la grammatica de la lenga, e de tèxtes en lenga. Lo còrps de l’obratge es davantejat per una descripcion sintetica de la fonetica e de la morfologia del lengatge.
- Se pòt comandar al prètz de 24 €, pòrt comprés, en escrivent a :
Cette adresse e-mail est protégée contre les robots spammeurs. Vous devez activer le JavaScript pour la visualiser.