Ven de paréisser una novèla publicacion de sociolingüistica en cò de l’Harmattan : ENTRE FRANCISATION ET DÉMARCATION. Usages hérités et usages renaissantistes des langues régionales de France, per Jean-Michel Eloy, Mercedes BANEGAS SAORIN e Jean SIBILLE.
Si la transmission naturala de las lengas regionalas de França s’es estancada o es sus l’acabar inevitablament, del fèit de la disparicion dels locutors tradicionals (o locutors eiretèrs), aquestas lengas contunhan d’èsser transmetudas per l’ensenhament (escolar o associatiu) e/o per desmarchas individualas de reapropriacion, o, excepcionalament, per una transmission familhala militanta. D’aquí l’emergéncia d’una categoria novèla de locutors qu’evòcan aquestas problematicas, en ligason notadament amb las questions d’ensenhament e d’estandardizacion, tant del punt de vista de la lingüistica descriptiva coma de la sociolingüistica.