Sélectionnez votre langue
Ensenhaires e formators
Lo Congrès qu'a desvolopat e hicat en linha atrunas entaus ensenhaires e formators. Per la màger part aqueras atrunas que son basadas sus l'intelligéncia artificiau e sus las dadas de l'ensemble deus autes projèctes e aplicacions deu Congrès. Ací qu'avetz los màgers, e que vs'invitam a'us testar.
Las atrunas pedagogicas deu Congrès
Ua pedagogia ludica
L'informatica e lo tractament automatic deu lengatge que permeten la construccion d'atrunas plan variadas, dont atrunas pedagogicas. Que realizèm entà vosauts quauques jòcs qui presentam au site pedagogia.eu. Ua faiçon ludica d'apréner l'occitan.
bastidas a partir de las dadas deu Congrès"
En mei deus jòcs, qu'avetz d'autas atrunas, tutoriaus, ua basa d'expressions dab l'aplicacion Expressòc, e un abracat de gramatica dab punts de lenga.
Que trobaratz tot parièr activitats pedagogicas a realizar en utilizant las atrunas deu Congrès e deus sons aliats.
Anar tà Pedagogia
Passejada en Occitania
Hèita a partir deu modèle d'Expressòc, on caben fichas entà descobrir expressions occitanas en multimèdia, la Passejada que presenta vilas tiradas deu Topòc, dab ua fotografia, causas curiosas a saber sus la comuna e un ligam cap a la soa pagina Wikipèdia.
tà çò de las vilas d'Occitania"
Descobritz Sent Beat e las soas carrèras de marmes, la hont deus pishaires de La Cauna, lo vin reiau de Juranson, la "Peyro Clabado" deu Sidòbre, e plan d'autes lòcs e istòrias apassionantas.
Si voletz completar las informacions qui trobaratz a Wikipèdia, lo Congrès que creè un site entà vs'i ajudar : https://wikimedioc.com/
Anar tà Passejada
Diccionari d'expressions occitanas
Expressòc qu'ei ua basa de dadas de las expressions, de las citacions e deus arreproèrs en occitan, associats a illustracions sonòras. Las fichas d'Expressòc que perpausan tanben un ligam cap au Wikiccionari, lo projècte de diccionari occitan de Wikipèdia.
textuaus e sonòras"
Expressòc qu'a l'evolucion constanta, que son quasi 1 000 expressions e citacions, totas acompanhadas d'un imatge e d'un son.
Expressòc que hica tanben a la vòsta disposicion un motor de recèrca dens un tablèu simplificat, on trobam l'expression en occitan e la traduccion en francés, atau com un ligam cap a la ficha.
Anar tà Expressòc
Espaci contributiu deu Congrès
Quan utiliza l'intelligéncia artificiau, que'u hè besonh au tractament automatic deu lengatge ua quantitat bèra de dadas .
de ressorsas lingüisticas"
Entà crear un hons bèth de ressorsas lingüisticas qui sia representatiu de la diversitat deus locutors de l'occitan, e poder desvolopar aplicacions intelligentas que lo monde e poderàn utilizar a gratís, que vs'avem besonh.
Entà ns'ajudar, anar que cau tau site contribuir ad aquera adreça : https://contribuir.locongres.com/. Ací qu'avetz las atrunas de collècta qui son a la vòsta disposicion.