Las candidaturas pel dispositiu Ensenhar – Professor(a) coordinat per l'Ofici public de la lenga occitana son obèrtas fins al 13 de febrièr de 2026 12 h.
Ongan encara, l'Ofici Public de la Lenga Occitana en associacion amb los rectorats de las acadèmias concernidas coordina l'organizacion e la presa en carga d'una formacion per ensenhar la lenga occitana o una o mai d’una disciplinas en occitan.
Aqueste dispositiu es destinat als ensenhaires e ensenhairas del 1èr gra e del 2nd gra titularas de l'Educacion nacionala.
Fonciona aital :
- La formacion es despartida sus l'annada escolara e compòrta d'estagis en classa aital coma d'estagis didactics ;
- L'ensenhaire o l’ensenhaira profiècha d'una descarga de cors a temps plen pendent los 10 meses de la formacion, sus la totalitat d'una annada escolara ;
- Los luòcs de formacion son prepausats en foncion del nombre e de l'origina dels candidats e de las candidatas ;
- La formacion lingüistica es finançada per l'Ofici public de la lenga occitana ;
- La remuneracion a temps complèt de l'ensenhaire format o de l’ensenhaira formada es mantenguda pels rectorats, s'es titular(a) de las acadèmias partenàrias.
Las candidaturas son obèrtas fins al 13 de febrièr de 2026 12 h.
Per mai d'informacions e depausar sa candidatura :