L'Escòla Occitana d'Estiu (EOE), que se debana cada an a Vilanuèva d’Òut (47), festejarà aquela annada sos 50 ans. Una crida als dons es estada lançada per sostenir lo finançament de la jornada de celebracion del 15 d'agost.
L'Escòla Occitana d'Estiu (EOE–IEO47) es una associacion qu'organiza d'activitats e d’estagis per far viure la lenga e la cultura occitanas, dempuèi 1974. Prepausa atal cada an una setmana de cors en immersion lingüistica.
Al mièg de la setmana de cors, l'EOE prepausarà una jornada de fèsta gratuita e dobèrta a totas e totes, sus la jornada del dijòus 15 d'agost.
Los dons recoltats serviràn a cobrir los còstes ligats a aquela jornada e mai precisament als grops musicals, a l'albergament e al desplaçament, a la sonorizacion, a las exposicions, a las conferéncias e a las animacions.