Après la capitada de sa primièra edicion organizada a Vilafranca de Roergue, Carrièras Occitanas prepausa un eveniment novèl a Montsegur (09) los 17 e 18 d'octobre de 2026.
Carrièras occitanas es un eveniment que vòl reviudar las manifestacions grandas per la lenga e la cultura occitanas, coma Anem Òc que coneguèt quatre edicions, a Besièrs en 2007, a Carcassona en 2009, a Tolosa en 2012 (amb 25 000 personas dins las carrièras tolosanas) e la darrièra a Montpelhièr en 2015.
Atal gaireben 1000 personas bastiguèron e portèron l'ostal del Joan Petit pendent la primièra manifestacion organizada a Vilafranca de Roergue en octobre de 2025, que comptava tanben de representants d'autras lengas minorizadas.
Ongan, Carrièras Occitanas prepausa de bastir un far a la fortalesa de Montsegur, luòc famós de l'istòria catara e occitana. De concèrts, conferéncias e accions son previstas al programa.
- Ne saber mai
- Es possible de sostenir financièrament Carrièras occitanas mercés a una canhòta : Ne saber mai