Las contribucions au concors literari organizat au parat de las Hèstas de Baiona que son ubèrtas dinc au 25 de mai.
Dens l'encastre d'aqueth concors, lo raconte produsit, quan sia vertadèr o de ficcion, que dèu estar ligat a las Hèstas de Baiona, « qui’n constituiràn lo decòr, l’ambient, l’empont o lo pretèxte ». Qu'ei possible de contribuïr en occitan, en basco o en francés.
Lo genre literari qu'ei completament liure, a la faiçon de la tematica d’augan : Ficcion o realitat, raconte reau o imaginari : contatz-nos las vòstas Hèstas. L'inspiracion principau que n'èra la frasa d'Antoine de Saint-Exupéry : « Si voletz que coneishi las vòstas civilizacions, contatz-me las vòstas Hèstas. »
La data de remesa deus manuscrits que n'ei fixada au dimenge 25 de mai 2026 miejanueit.