Isabelle Collomb, toponimista al Congrès permanent de la lenga occitana, farà dins Òlt per una seria de conferéncias sus la toponimia e la microtoponimia, dins l'encastre de las "velhadas" organizadas pel PNR-CQ.
Isabelle Collomb, uèi doctora en estudis occitans, sostenguèt sa tèsi lo 5 de decembre passat sul subjècte Estudi de la micro-toponimia del Pargue natural regional dels Causses de Carcin.
Faguèt l'an passat doas conferéncias en associacion amb lo PNR, l'una a Fijac a l'entorn de son trabalh de tèsi e de qualques toponims olteses amusants e/o dins los quals la preséncia de la lenga occitana es reala mas de mal decelar, e l'autre a Solòme sul tèma de l'aiga dins la toponimia del PNR.
Ongan, tornarà intervenir dins l'encastre de las "velhadas" organizadas pel PNR-CQ :
- Bèlmont Senta Fe (Òlt) : 24 de genièr de 2025 a 20h30
- Boçac (Òlt) : 21 de febrièr de 2025 a 20h30
- Lo Bastit (Òlt) : 7 de març de 2025 a 20h30
- Sonac (Òlt) : 28 de març de 2025 a 20h30
Isabèu Collomb explicarà çò qu'es la toponimia, los metòdes de trabalh e parlarà un pauc de son trabalh de tèsi abans de far un fòcus suls microtoponims de cada comuna concernida. Las conferéncias seràn doncas las meteisses al començament, e cada còp diferentas dins la segonda partida.