« L’obrador de lingüistica occitana » que s’aplegarà tà la soa ueitau edicion a Pau los 5 e 6 de julhet.
Que son jornadas qui son ubèrtas a tots los o totas las qui vòlen prepausar ua comunicacion sus ua question de lingüistica occitana. La prumèra jornada que serà sus un tèma impausat : « Operativitat de las divisions cronologicas (occitan medievau, modèrne, contemporanèu…) e de las divisions dialectaus ».
La segonda que serà completament ubèrta a totas las comunicacions pertocant camps divèrs com lo lexic, la sintaxi, la morfologia, la fonologia, la sociolingüistica o enqüèra la dialectologia. Que's pòden prepausar tribalhs acabats o comunicacions sus d’estudis en cors.
Cada comunicacion que's harà dens un temps de trenta minutas dab ua presentacion de vint minutas de tau faiçon que dètz minutas e sian reservadas a la discussion.
Que cau enviar ua proposicion abans lo 1èr d’abriu qui serà estudiada peus organizators e las responsas positivas o negativas qu'arribaràn abans lo 1èr de mai.
Los actes que seràn publicats en linha dens la revista Linguistica occitana.
Enviar las proposicions de comunicacion a :
La proposicion de comunicacion que deu estar enviada dab un resumit d’ua pagina en PDF, en dus exemplars, dab un qui serà anonime.