Sètz fièr(a)s de nòstras lengas catalana e occitana e desiratz las partejar ? Organizatz lèu un eveniment en region Occitània ? Participatz a PARLEM !
La Region Occitània convida las e los qu'o desiran a participar al programa d'aquel eveniment en prepausant a la labelizacion lors iniciativas a l'entorn de las lengas catalana e occitana. Los ciutadans e ciutadanas d'Occitània seràn convidats a votar per lors tres iniciativas preferidas demest las labelizadas.
Tota persona atjada de 15 ans o mai pòt prepausar una iniciativa : ciutadan(a)s, collectivitats, associacions, tèrçlòcs, establiments publics, entrepresas... sol(a) o en collectiu.
Lo format es liure e las iniciativas pòdon prene mai d'una fòrma : talhièr, debat, taula redonda, lectura, espectacle, visita, mòstra, torneges e jòcs, accion collectiva, projeccion…
La crida a iniciativas s'acaba lo 2 de febrièr de 2026. Aquela 3na edicion se farà del 16 de febrièr al 1èr de març de 2026.