Las candidaturas pel dispositiu Ensenhar – Professor(a) coordenat per l'Ofici public de la lenga occitana son obèrtas fins al 14 de febrièr de 2025.
Sètz ensenhaire o ensenhaira del primièr o del segond gra e desiratz balhar una dimension novèla a vòstra carrièra ? Vaquí lo dispositiu Ensenhar – Professor(a) ! Podètz en efièch beneficiar d'una formacion per ensenhar la lenga occitana o vòstra disciplina en occitan !
Aquel dispositiu coordenat per l'Ofici public de la lenga occitana, en associacion amb los rectorats de las acadèmias de Bordèu, Limòtges, Montpelhièr e Tolosa permet als ensenhaires qu'o desiran de se formar a l'ensenhament en occitan mercés notadament a un manten de salari de l'Educacion nacionala e a una descarga de cors.
Son obèrtas las candidaturas dempuèi lo 08 de genièr passat fins al 14 de febrièr de 2025.
Per mai d'informacions e depausar sa candidatura, rendètz-vos sul site de l'Ofici