La jornada del CREO Lengadòc se debanarà lo 6 de junh al CRDP de Montpelhièr e aurà per tematica « Musica e cant en occitan ».
Lo matin, s'i parlarà de practicar lo cant e la musica amb de conferéncias titoladas « Lo cant per dintrar dins la lenga », « Cantar e far cantar en òc », « Bigòt poèta e cançonièr ». Seguirà una taula redonda sus la cançon dins l'ensenhament de l'occitan.
L'après-miègjorn serà consacrat a la creacion musicala e la pedagogia. I presentaràn de projèctes pedagogics menats al jorn d'uèi, e i aurà d'intervencions sonadas « A l'entorn de Joan Bodon, L'èrba d'agram. », « Crear una cançon, un exemple d'accion pedagogica », « Una creacion musicala al licèu Frederic Bazille de Montpelhièr » e « Li viajaire de Rose d'aprèp Lou pouèmo dóu Rose de Mistral ». Presentaràn puèi los itineraris artistics del grop Lo Barrut e del basc Mixel Etxekopar. Aqueles clavaràn la jornada amb un concèrt.
Trobaretz lo programa complet sul site de la FELCO.