Dissabte 10 d'octobre 2026, lo CIRDÒC - Institut occitan de cultura e las edicions Reclams que vos perpausan una edicion navèra de la jornada literària Escrivans - ua crotzada d'autors. La jornada que's harà augan a Sent Gaudenç.
Aquesta jornada professionau, dedicada aus autors, qu'a l’objectiu de sostiéner la creacion literària occitana e har espelir plumas navèras.
Los autors, confirmats atau com debutants, qu’auràn accès a temps d'escambis e de practicas e que frequentaràn especialistas e actors deu domeni de las letras e de l'edicion.
Aquesta edicion navèra, organizada en aliança dab la Mediatèca intercomunau de Sent Gaudenç / Communauté de Communes Cœur Coteaux Comminges, qu’arcuelherà las intervencions d’Adeline Yzac, Xavi Gutierrez, e Joan-Loís Lavit.