Lo collectiu deu Dahu qu'organiza un estagi d'immersion en cultura gascona d'ua setmana, deu 22 au 26 d'abriu de 2025.
Aqueth collectiu, basat en Hautas Pirenèas, qu'a tà tòca de sostiéner, desvolopar e promòver la cultura gascona e pirenenca.
Atau, aqueth estagi que prepausarà cors de lenga e de cantas, atau com percors instrumentaus, l’ensemble au près d'especialistas. Que's debanarà a Gèrm, dens la Vath de Loron. Que i aurà tanben seradas hestivas.