Augan, La Passem ! que’s harà deu 30 d'abriu au 9 de mai 2026. Que podetz dejà crompar un o mei d’un quilomètre entà sostiéner los projèctes !
Si n’ac savetz pas enqüèra, La Passem ! qu’ei ua corsa relai qui a per tòca de sostiéner projèctes qui òbran entà la transmission e la valorizacion de l'occitan. Que trauca Gasconha e lo traçat de la corsa que cambia cada annada. De mei, mantuns eveniments que son organizats tot lo long deu son trajècte per las estructuras locaus.
Entà arrecaptar los fons qui permeten de finançar aqueths projèctes, qu'ei atau possible de causir e de crompar un o mei d’un quilomètre sus la tralha de la corruda, que sian ua persona, ua enterpresa o ua collectivitat. Lo nom de la plan·heitora o deu plan·heitor que serà inscrivut suu panèu quilometric.
Lo caminament detalhat qu'ei dejà vededer en linha suu site oficiau de la Passem !