Lo jornal Lo Diari lança una crida a abonaments per aquela annada novèla.
De fach, malgrat que lo jornal conesca un interès creissent e desvolope de nombroses projèctes, son nombre d'abonats a recentament baissat.
Lo jornal rampèla qu'una majoritat de sos legeires es pas abonada, mentre que l'abonament demòra la basa principala de finançament del jornal, amb los finançaments publics en segonda plaça.
L'abonament es possible a comptar de 1,50 € per mes per la version numerica, fins a 25 € per an per la version complèta. Lo Diari accèpta tanben los dons (deductibles dels impòstes).
De notar qu'es tanben possible per totòm de participar a la revista coma contribuïdoira o contribuïdor.