La fièra professionala Litterarum se debanèt del 23 al 25 de mai a Móra d'Ebre dins la província de Tarragona. Novetat en 2025 : l'eveniment incluguèt pel primièr còp l'occitan en mai del catalan e del valencian.
Litterarum es una fièra professionala que promòu d'òbras eissidas de tota disciplina de las arts de l'espectacle, basadas sus de tèxtes literaris escriches a l'origina en catalan e/o en occitan (lengas oficialas de Catalonha), que son pas estats concebuts a l'origina per l’empont.
Al programa d'aquela 18na edicion, se podiá atal retrobar l'espectacle entitolat La passió en la Romània, dins lo qual l'artista valencian Lluís el Sifoner poguèt reprene diferents poèmas d'autors occitans.
La preséncia de l'occitan foguèt afortida per la preséncia d'un taulièr del CAOC (Cercle d'Agermanament Occitano-Català) que prepausèt als visitaires de las informacions sus la realitat lingüistica occitana.
En mai, l'Academia Aranesa dera Lengua Occitana collaborèt pel prèst gratuit de libres en aranés.