La seleccion oficiala del Prèmi literari Calandreta 2024-2025 ven de paréisser. Totas las classas, Calandretas o non, son convidadas a participar e a votar per lor obratge favorit.
Las escòlas de la Calandreta Dagtenca e de las Calandretas de Narbona en associacion amb lo CIRDÒC-Institut occitan de cultura, APRENE e la federacion 34 de las Calandretas convidan los escolans a participar a l'edicion novèla del Prèmi literari Calandreta, creat en 2014 per la Calandreta Dagtenca.
Atal, las classas que desiran participar al prèmi poiràn legir los 4 libres seleccionats que correspondon a lor nivèl de lectura e votar per elegir lor obratge preferit.
Calendari :
- Fins al mes d’octobre de 2024 : Inscripcions de las classas
- De setembre a març :
- Temps de lectura per las classas
- Organizacion d'activitats a l'entorn del prètz literari pels qu'o desiran
- Pels ensenhaires, formacion cooperativa a l'entorn dels albums organizada en seguissent l'annada per APRENE al CIRDÒC - Institut occitan de cultura (sit de Besièrs)
- A comptar de febrièr : Recepcion del material de vòte
- Prima : Transmission de la causida a l'escòla Calandreta Dagtenca
- Pendent la Passejada literària a Narbona :
- Anóncia dels resultats del prèmi (per cicle)
- Rencontre d'autors
- Exposicion de las creacions dels participants
→ Per consultar la lista dels libres seleccionats