Ostana, comuna de lenga e cultura occitana en Piemont, torna aculhir enti jorns 27-28-29 de junh 2025 lo Premio Ostana, arrubat a sa dètz-e-setena edicion.
Lo Prèmi Ostana es un prèmi literari de traduccion, de composicion musicala e de cinèma dedicat a las lengas maternaus, a la diversitat linguística ental mond, a lhi drechs linguístics e a la biodiversitat dont las lengas son portairas estòricas.
Uech las seccions dins las qualas s’estructura la manifestacion : Prèmi especial, Prèmi internacional, Prèmi minoranças linguísticas en Itàlia, Prèmi lenga occitana, Prèmi joves, Prèmi traduccion, Prèmi composicion musicala, Prèmi cínema. Uech categorias per uech artistas que, acompanhats da un tutor, passarèn a Ostana las jornadas de 2025 dins un clima d’eschambi e de convivéncia.
D'aquest'an, lo prèmi de la lenga occitana es estat ganhat per Estelle Ceccarini.
Es estaa recompensaa per son òbra literària aital coma son engatjament per sas recèrcas o encara pendent la co-creacion dels Rencontres de Salinèlas.
Entrevendrá lo vendres 27 de junh, ambe Corinne Lhéritier, dins l'encastre d'un rencontre sus la tematica : Del paisatge de l'enfança a l'alen de la poesia.