L'Institut d'Estudis Occitans que harà la soa Amassada generau los dissabte 26 e dimenge 27 d'abriu. Que's debanarà au Centre departamentau de la comunicacion a Perigüers.
Que s'aviarà lo dissabte 26 a 10 h dab l'arcuelh deus participants, puish lo President qu'aviarà l'AG a 11 h. Abans lo disnar, la seccion Novelum-IEO 24 que's presentarà. Au vrèspe, que i aurà lo rapòrt morau puish ua taula redona suu tèma : « Ua politica publica tà l'occitan : cas aplicat au departament de Dordonha ». Au ser, lo grop Talabast que balharà un concèrt.
L'endoman, l'AG que tornarà a 9 h dab un punt sus l'accion reïvindicativa pròpia a l'IEO e Interlengas. L'Amassada que s'acabarà a 13 h dab un repèish.