Dimèrcs lo 7 d’octobre, lo consòrci Linguatec que s’amassè a la sedença d’Euskaltzaindia, l’Academia de la lenga basca, a Baiona.
La jornada que’s debanè en dus temps : lo matin, que’s tienó l’amassada enter los sòcis deu consòrci, e lo vrèspe, que’s presentèn los purmèrs resultats deu desvolopament Euskara eskuz esku (lo basco de man en man), qui hè partida deu projècte Linguatec.
Qu'estó lo parat tau Congrès de presentar aus autes sòcis deu consòrci las soas avançadas tà çò deu desvolopament de la sintèsi vocau e de la traduccion automatica en occitan.