Los primièrs Encontres occitans de las lengas e culturas regionalas se son debanats a Agen los 13 e 14 de junh. Coorganizats per la Region Navèra Aquitània, lo departament d’Òlt e Garona e la vila d'Agen, qu'amassèn a l'Ostal del departament mai de 170 participants - elegits, tecnicians de collectivitats, professionals, associatius - venguts de l'espaci occitan mas egalament d'Alsàcia e de Nauts de França.
![Encontres occitans d'Agen 2024 Encontres occitans d'Agen 2024](/images/actualitats/2024/Encontres_Agen3.jpg)
![Encontres occitans d'Agen 2024 Encontres occitans d'Agen 2024](/images/actualitats/2024/Encontres_Agen6.jpg)
![Encontres occitans d'Agen 2024 Encontres occitans d'Agen 2024](/images/actualitats/2024/Encontres_Agen5.jpg)
I èra Lo Congrès, aviá un taulièr partejat amb lo CIRDÒC presentant sas missions e espleches, e partxipètt a diferents talhièrs tematics - educacion, formacion, cultura o encara l'entreprenariat - coanimat per de professionals e dels tecnicians del departament d'Òlt e Garona.
Las lengas e l'entreprenariat
Joan Breç Brana (pòl Lenga e Societat del Congrès) animèt atal l’obrador Las lengas e l'entreprenariat amb Jean-Luc Lagrave (creator de la marca Adishatz & president del Cercle Gascon de Negòcis), Jean Baptiste Soubaigné, director de la MONA (Mission dels Oficis de Torisme de Novèla Aquitània) e Lionel Buannic, (director de LBGroup).
![Encontres occitans d'Agen 2024 Encontres occitans d'Agen 2024](/images/actualitats/2024/Encontres_Agen4.jpg)
Las lengas e la cooperacion regionala
Benaset Dazéas (director del Congrès) participèt a l’obrador Las lengas e la cooperacion regionala amb Gautier Lagalaye (director de l'Ofici public de la lenga occitana), Joan Jaques Casteret (director delegat Etnopòle CIRDÒC), e Bernard Giacomo (administrator de l'ACEOC, expresident de l'Institut d'estudis occitans).
Las lengas dins l'ensenhament superior e las formacions per adultas
Enfin Joan Loís Lévêque, cap de projècte, conanimèt lo talhièr Las lengas dins l'ensenhament superior e las formacions per adultas amb Marie-Jeanne Verny, professora onorària de lenga e literatura occitana a l'Universitat Pau Valèri de Montpelhièr, Jean-Christophe Dourdet, ensenhant-cercaire FoReLLIS a l'Universitat de Peitieus – Cécile Nolhan, mèstra de conferéncias en lenga e literatura occitanas, Universitat Tolosa II Joan Jaurés.
![Encontres occitans d'Agen 2024 Encontres occitans d'Agen 2024](/images/actualitats/2024/Encontres_Agen2.jpg)
![Encontres occitans d'Agen 2024 Encontres occitans d'Agen 2024](/images/actualitats/2024/Encontres_Agen1.jpg)
Pendent los encontres se faguèt un omenatge a Gilabèrt Nariòo, que nos daissèt lo 6 d'abril passat, amb un tèxte legit per Joan Breç Brana e Maude Puech de l'Ofici public de la lenga occitana.
Per aquela primièra edicion los participants an saludat l'acuèlh, l'organizacion e la qualitat dels escambis, los Encontres occitans de las lengas e culturas regionalas venents auràn luòc dins 2 ans en region Occitània.
Lo site Internet dels encontres : Encontres occitans de las lengas e culturas regionalas