L'Associacion Internacionau d'Estudis Occitans qu'organizarà lo son XIIau congrès a Albi deu 10 au 15 de julhet de 2017. Que sòrt de publicar la soa purmèra circulara ad aqueth subjècte.
Qu'i anóncia purmèr la data, lo lòc e la tematica d'aqueth congrès : « Fidelitats e dissidéncias ».
Qu'i hè puish un aperet a comunicacions. Si voletz participar, que'vs cau enviar lo títol e un resumit de la vòsta comunicacion abans lo 30 de noveme de 2016.
Tà las inscripcions, que son de 100 € dinc au 31 de genèr de 2017, que seràn de 130 € après. Las inscripcions per via electronica que's clavaràn lo 31 de junh de 2017.
Que balha enfin lo detalh de las tarifas, lo calendèr de las circularas e de las inscripcions e las informacions practicas.
Fòto : Wenger