Quauques dias abans la debuta de l'estiu, La Region Novèla Aquitània, lo Departament d'Òut e Garona e la Vila d'Agen, en associacion dab la Region Occitània Pirenèus Mediterranèa, que'vs convidan a viéner participar, los 13 e 14 de junh qui venguen a Agen, aus Encontres occitans de las lengas e culturas regionaus, un eveniment co-organizat per la Region Navèra Aquitània, lo Departament d'Òlt e Garona, la Vila d'Agen e en partenariat dab la Region Occitània / Pirenèus-Mediterranèa.
Per torn, las Regions Occitània / Pirenèus-Mediterranèa e Navèra Aquitània qu'organizaràn aqueths Encontres occitans annaus en federar las fòrças vivas deu territòri d'arcuelh.
Que s'agirà de prepausar un espaci entà que totas e tots qui an au còr, dab posturas divèrsas (elegits, agents publics, benevòles e salariats associatius) de deféner la plaça de la lenga occitana e d'assegurar lo son aviéner, e s'encontren, escàmbien e que pensan amassa perspectivas comunas. Aqueras reflexions que seràn miadas dab l'apòrt e en fàcia deus questionaments e de las experiéncias bastidas dens las autas airas de lengas regionaus pertot en França.
Que’s harà en talhèrs tematics a l'entorn de l'educacion, la formacion, la cultura, l’enterpresa, hèra de personalitats que confrontaràn los lors punts de vista, las lors experiéncias, mes sustot, qu’ensajaràn de formular dab los participants pistas entà l'aviéner.