Après lo lengadocian e lo gascon, lo Congrès a registrat una votz novèla per integrar lo provençau dins Votz, sintèsi vocala occitana. Joan-Ives Casanova, ancian professor a l'Universitat de Pau e escrivan, a passat tres jorns en estúdio, permetent d'obtenir, a la fin, 6000 frasas per quasi dètz oras de registrament en totalitat.
Votz, que fonciona amb una tecnologia neuronala, serà tornamai entrainada en fin d'annada, ambe lo provençau donc, mai tanben de nòvei votz en gascon e lengadocian, tanben en aranés.
Aprofiecharem de l'escasença per ajustar una version tèst lemosina : d'efiech, per aquesta, utilizarem dei libres audios, lei darrierei tecnologias nos permetent de pensar utilizar aqueu tipe de ressorsas, fins ara jutjadas pauc eficaças perque la sintèsi vocala requerís normalament un ton de votz neutre.
Gràcias a LLM (Larg Language Models), l'occitan se pòt inspirar d'autrei lengas per desvelopar sei pròprei tecnologias. Votz passarà un nòu cap tecnologic, puei que la promiera version èra sus lo modèl 1votz/1 motor IA necessitant fòrça registraments, e d'ara-en-là aurà pas mai qu'un sol motor, una votz novèla ambe pauc de registraments permetent non solament de registrar una votz novèla, mai tanben de melhorar lei votz existentas.
Donc encara un pauc de paciéncia, vos tendrem de segur informats de l'espelida d'aquela version nòva.